Why don't you give me a hug?

Thursday, April 07, 2005

experience




其實我自己好驚自己會剩係要呢度,唔要其他地方去post野了...因為響度我可以打廣東話,唔洗打書面語,看看我,又開始在我的文字上退步....呵呵....不過等我重整nonleaf的版面,等佢看起黎精神返,咁我又會重新愛上佢了....呵呵....

其實我係有野想講ga......但係又唔係話太記得...
冇錯啦,就係,我覺得我地總係會抱住一個有希望ge態度,唔想自己有遺憾,我當初就係羅住呢個想法去繼續繼續放自己ge愛落去,咁樣咪係蠢左囉,我竟然唔記得,做任何野ge回報如果唔係同付出成正比果時,應該重新調整再打呢場仗....所以我不斷在輸....輸輸輸同埋輸...我就係愛到唔見左自己...搞到自己係咁做錯...呵,不過唔緊要,我宜家已經去返起點,又黎過,冇錯,宜家呢個先係真真正正ge打不死的我。

響每一段關係入面,一定係會存在遺憾,如果冇遺憾係唔會令你成日諗起都覺得要黎過,但係如果響一段完左ge關係上再將個遺憾愈挖愈深,咁我地就愈錯愈多愈返唔到轉頭,到果時,死神黎接你ge日子又會好快黎到...

我地應該去習慣ge唔係比人呃比人傷害唔係痛楚,最basic ge係要習慣離開我地ge人會愈來愈多,所以為我地愛ge人亦會愈來愈少....但係因為傷害愈多,我地就更更更更更需要更更更多ge愛愛愛愛!!!!所以我地要珍惜果d仲未離開我地ge人,然後勇敢咁去愛愛愛!!!!!愛佢地更多,令自己身處在愛入面令自己感到愛ge時候自己都會幸福!!!!愛,唔係得愛情,我地有咁多愛,唔好太自私收埋剩係愛自己,你唔去愛,係唔會得到被愛ga!

仲有,有樣野我諗左好耐以為唔應該,但係我宜家覺得咁樣做又係相當reasonable同相當相當good!!!就係【逃避】,但逃避之前一定要去勇敢承認錯誤,因為連認都唔敢認ge根本冇資格去逃避!!!!!逃避最好ge方法就係唔好再嘗試!!!咁樣就可以減少出錯同埋糗野...而且逃避得靚d就係要扮睇唔到,再將睇到ge野立即del同埋如果真係做唔到快d打自己,打到自己痛果時就會剩係記得痛而唔記得左岩岩見到d咩....如果要再記得岩岩見到ge野,一定要再諗囉,所以唔好再諗啦!!!!!記得!!!!!就係因為我諗唔通呢樣野以為勇氣就係唔可以逃避,搞到自己傷完一野又中多次地雷....勇氣唔係亂用,因為勇氣係要草返黎,衝動ge唔係勇氣...要善用,don't waste!!!!!

最後一樣野ge就係support,勇敢好心情樂觀ge人應該去安撫受傷ge人....將好ge野分比人,唔好ge野同 share,咁樣到下一次角色exchange果時,你又會得到support,因為你對過人地好ge,人地一定會對返你好,當然,我阿媽成日叫我唔好咁易信人,但係我諗識左你好耐,而你又知佢唔係衰人ge話,信下冇壞掛....我對呢點係有保留,【信任】要小心.....

呵呵.....傻傻地ge我....已經講完我想講ge野....只係想share一d我ge看法....
比返個comment我好呀下~!!!

祝大家,開開心心,成日笑笑笑,用笑去溫暖呢個地方^^~

Labels:

good mood

今日溫書溫得最成功ge一日,今日再背返岩岩好係上個星期背過的張騫,鄭和同班超ge時候,仍然背到loklok聲,呵呵....之後就背上次背背下冇心機ge玄奘哥哥,好厲害,我又得左,再貼一貼題目搞掂,當然早上又做左cloze ge ex,我知道我知道我知道,我十分sure已經搵返果個自己,又聰明又識諗ge自己,需則好多野要自己去爭取,但係我地呢d平凡人,太堅持同自己冇益反而辛苦左自己,明知結果ge野做咩仲白費心機...haha,我知道我知道我知道,我十分sure自己今次係真係好返晒,我直頭尋晚同阿包tel果時我直頭係咁笑5號或之前ge自己,冇錯!係時候脫離失戀大軍,仲有...就咁打打下又打過左自己最想講ge野,阿jay提醒左我,愛情就是一場龍捲風,愛情係會無lala黎左而自己唔知,所以走ge時候亦都係一樣,所以唔應該成日諗...so good!宜家我個target好明確,會考都努努努努力力力!!!!!fighting!!!!!

#來又如風離又如風

呵呵....尋晚找到個好正的日記,搞搞又發現佢唔係太好岩我,因為好多古怪ge野,呵呵,算啦,我都係專一d好.....呵呵......今日終於捨得去睇果幾本english書,雖然係行行都有唔識ge字,但係我冇去查,我會enjoy呢種"冇字識天書"呵呵......今晚要好好努力我ge maths....同埋繼8格相機之後我又睇中左魚眼相機!!!!!4舊水!!!!haha!!!我要ce之後做自己ge present!!!! 呵呵......等我呀!!!!魚眼眼~~

仲有,尋晚我加左d相落我之前d diary度.....好開心~

尋晚同阿包傾計講起搬屋,so good!呀,佢話有興趣join埋一間屋....good!!!可以分擔下d租麻...ha
最抵死係佢果句,"你響屋企,咁佢就冇得搞我"haha!!!!!!!good!!!!!如果佢敢響我間屋搞我隻包我一定會打爆佢ge the most important position!!!!!haha!!!!!!!

同埋,我覺得自己好叻,同埋要用有勇有謀黎形容一下自己....
因為我為左女班長ge幸福同佢果晚同我講ge一番"廢苦之言",因為我聽完覺得真係廢同真係苦苦地,佢真係當我傻奸奸咁,講到我果時係想笑,我終於明白點解佢愛得男班長咁交關,因為她是好蠢的...


therefore,我今早打左個電話過去,同男班長講:我諗我宜家大個啦,唔洗你呢個哥哥睇住我呢個妹妹,同埋我知道已經冇晒事,所以唔洗再擔心我同埋幫我或者係點,而且我覺得女班長更加需要你ge愛,所以將d時間intense返去佢身上.....

其實我覺得自己講得好好ga....但係我又唔知點解佢又會駁得返我轉頭,係咪真係呢世我都拗唔羸佢呢????
佢當時個態度好cool種feel係好硬咁講:我明,但係我諗唔需要你教我點樣去分我d時間...
其實我覺得佢做咩咁串!!!!!
最後一野扔d野過去:哎呀~!我唔知,總之我想自己一個人!
之後佢笑笑下咁同我講:就咁啦???
我唔知好笑定咩.....但係即係我想講ge野又比佢拋晒轉頭,算啦,至多以後唔找佢,佢找我唔唔應佢








第一張係一月ge我,第二張is today ge我...
有咩different???
那一張開心d??


終於我會再上班 從前途著眼 無暇來嗟嘆
 再病來病去 永遠學不識 心淡

Labels:

Wednesday, April 06, 2005

sunny

其實,我真係學到放棄了,係咪因為尋日件事我唔知,不過始終要告一段落,我要學識大個,我唔想身邊ge人為我ge事擔心,雖然得到朋友ge關心果時我覺得開心係因為覺得境內係有人關心自己,唔係一個人孤伶伶,不過唔想各位太傷神,而且尋晚得到男班長的打救,我舒服左好多,雖然他不是我想見的人,尋晚好溫馨,不過真係好電燈膽ge我,比男班長拉左去酸瓜話梅....仲同女班長叫做傾左計,傾計過程雖然唔耐,但係言談間,我知道佢想講咩的....我唔係一個蠢成咁ge人.....我會知道之後ge我應該點

今早起身,好乖咁住左響度兩個鐘,讀英文,做左幾個cloze ge ex.好乖架,之後睇電視個"少年張3豐"真係呀,幾驚佢又做"少年包青天",竟然令我笑....haha,所以我決定今日令自己笑,雖然笑不代表是開心快樂,但,笑係一個好好ge節目,於是沖左個熱水涼就開碟"河東獅",笑死我.......係咁指住個mon大笑....之後我竟然冇響果個位喊。今日點都好都叫做真係比心機去溫書,因為我終於進攻去到GDP呢課,呵呵....打完日記我一定會繼續溫ga!!!我應承左自己ge野一定要做到!!!!!冇錯,時間無多,要愛要憎要喊咩都好都等過左CE先搞......

做人應該要理智d,而且一個唔理智ge我一d都唔good

同埋,我要繼續打不死,雖然我不知道99個笑的下落

你講得岩,他唔需要做咩唔需要出口傷人,單單唔action已經係能對我造成痛楚



#而那裡有愛 那裡也有傷害

我今天推介【青山散步】聽得我好舒服,真係好似響個山上面同埋好青新青新,如果可以有另一首歌有海ge感覺就更加好!同埋宜家最想快d有錢打救我個相簿,我要upload呀,低b!!

Labels:

Tuesday, April 05, 2005

waiting

#可惜一再証明 呼天不應也不動情



機場,影相,cheese cake,很累,等奇蹟,撞到了不想見的人,自己羅黎喊



no dinner but有話梅,多謝。
我決定了:give up同要study

Labels:

Monday, April 04, 2005

happy

好開心囉係,同埋睇左好多野....因為有好多野ga.....
不過我知道,如果今日有你響度,我一定會更高興更開心
但係你唔做任何野令我有更多想像空間就更好了......我就係一直響心入裡不斷糾纏到你出聲叫我走.....呢下係咪真係咁犯賤????

第一個開心係我地仲可以著夏季ge返學學...今日楚ki超可愛呀!!所以一定要同佢影相!!!我覺得一定要快d搞好相簿個空間然後就upload我地好開心ge相....我要話比人知我係幾開心ge!!!!!同埋我ge開心係最鍾意同人sharing!!!




第二個開心係,其實呢個算唔算係開心呢....haha...今日呢個素婉yee又講左句笑到我同劉汶落堂ge野..."應該係c呀可~"頂呀.......真係好起雞皮......希望佢以後講野之前要3思下我地個感管神經啦......


第三個開心係,今日終於鼓起勇氣出佢地出去,所以係我著住我心愛ge夏季去行街街ga....佢地先出發,我殿後,不過可憐ge係mobile冇咩電,搞到唔可以同人sms....一落到sha tin,竟然比我見到有個果d職員響6樓要跳樓,我趕住時間唯有一路行一路睇,但係我覺得好笑ge係hk人仍然係好鍾意睇熱鬧,仲係湊熱鬧當睇街頭表演咁羅晒電話相機影低個過程.....之後響美心吃吃吃.......之後又影影影,我幾欣賞佢大堂個燈燈.....

第四開心係我今日影左好多相,仲要係因為著住夏季ga!!!!so good!!!!!




之後又癲左咁落去mk走兩野,好失望之中ge預料之內,因為我最想要果件阿b裙裙真係冇呀.....鳴鳴....之後好唔開心咁買唔到野比阿b咁走走出左兆萬了,第5個開心係,之後好開心咁響潮流果邊買左個袋袋....呵呵..係一個我理想ge斜咩咩.hope我自己唔會用兩用就扔佢埋一二邊...仲有件衫,兩樣都是pink的!!!!正..最緊要係真係岩自己feel...仲同個sales好好傾,佢又真係好好人,兜兜下見到件tofu tee,即call阿lu叫佢黎買,ha,其實我睇中左件tee仲正,不過寫晒限量版咁,一定又要洗大量銀兩,noway,同埋都唔知係開心定唔開心,我銀包冇晒銀......恐怖==

第6樣係因為我睇左好多有靈感ge野.....

第7樣係我終於開左口同阿媽講我唔會讀中6的野.....雖然佢係接受唔到,最後我地決定押後再談.....

之後好變態ge係,我條腿好痛!!!!!!救命.....之後搞到我第一次吃dinner吃得咁冇癮好冇精神,好痛,而且覺得個阿妹好變態....唔知咩人黎ga.....響273上,我諗左好多野....係我自己一直冇去面對自己,只要一面對自己就發現果個真係ge自己係好痴線,為左個衰人搞到自己好痴線,愈睇得清楚自己愈感覺到..........真的好痛。


祝各位兒童節快快樂樂開開心心.....呢個節日冇人祝我任何野,令我覺得自己冇過節的感覺,不過算了,反正講唔講都係咁......同埋,我比yin講中左,所以ge野唔係我唔鍾意唔想去做,只係想佢一個with me去do all the things.呢排好多節日,令我諗起佢話過以後每一個節日佢都唔會令我孤伶伶,會響每個節日都帶來開心......是我過份天真和憧憬,使到自己才會這麼傷心,但一切一切又是這樣真實發生,but 都過去了...同埋,對於我溫書個狀態....唔知點好......點樣可以令我溫到書????????????


一見到呢個野,就想起你,於是不停拿一個好的角度來影它

愈來愈欣賞2R佢地果份力!!!!

#是誰行為會使他這樣怕? 

錯在你如此刻意吧? 

難道你不開口有用嗎?

"兩敗俱傷"4粒字是不是正正形容到我和你?

Labels:

Sunday, April 03, 2005

be quick!

連續兩天都在replay【呼天不應】,一定要聽呢首野,好得,當然要留意歌詞啦...死喇,好驚自己會因為呢首歌會買【喜歡joey3】呀....但係如果買了,我又會買埋【喜歡joey2】黎草,因為我有係【喜歡joey1】ga....果時係因為為左【這分鐘更愛你】而買呢隻碟,我就係呢種人....為左一隻碟入裡ge一首歌而去買一隻碟.....之後買左返黎係咁replay果首歌ga.......my life style...

尋晚係勁搞野,on到差唔多2點到off左諗住ga.....呢個時候我仲見到劉志強online中,係咪唔洗訓呢佢.....定係又係吃緊野咁呢....ha.....快d收到99個笑啦!!!快d收到99個笑啦!!!!快d快d!!!!!之後突然發現我比人羅左本有andy lau ge jet,而佢又投降又羅返出黎自首....之後我地兩個好搞笑地係咁睇jet,響呢一晚我發現自己有3本以上的jet係未睇晒....而且係每本可以只係睇左about 35%左右....死了..我唔容許自己咁....haha....而且落到去3點9終於捨得上床訓,之後響我地睇jet個process中我阿媽係咁叫我地好訓啦好訓啦咁.....而且訓晚響度陪空虛ge waishan留言再覆再留言....ha...冇錯!!!!we get it!---->"好型!!!"之後又比佢搞到我好想睇返個河東獅囉.....因為好笑and感動.....好少碟會睇到我喊....呵



我在真笑,,還是苦笑著..
這是他說的話,為什麼佢一講呢種說話ge時候,我知道係真之外,仲會個心痛痛的...

#兜兜轉轉的掙扎過程 花的心血你都望清


今日我一定要乖乖地去坐響度,溫6個鐘ge書,我係唔會輸比溫左8個鐘的人ga!!!
呵呵........岩岩睇中左個著LV套裝ge一對熊仔,超可愛,當然係假果種,但我又愛不釋手咁......本來25銀的...之後個老闆娘好好咁只收我20銀.....謝謝你....
岩岩吃lunch叫了火腿奄列,係咁好努力咁諗我同你響火腿奄列上有冇發生過d咩片段,though i keep thinking,there is no memory on that.仲有...




今朝我懷疑我地10.20.30.40ge4個女人係癲左...咁我講左尋晚睇果單工人想羅果隻豬ge精,then個豬反抗,將個工人個囉咬到血肉模糊咁啦....之後佢地又開始講啦.....

之後有人就話之前唔知邊度有隻牛懷疑性衝動非常,突然就走去發姣追住個農場個男人,當時個男人去緊toilet...之後條褲就咁跌左落一半咁跑跑跑,隻牛就仍然咁癲狂地追追追....點知因為條褲累事搞到個男人跑唔到不得子,仲仆左響度,最後好可憐咁遭受呢隻雄性ge牛蹂躪....你睇下.....係動物強姦人類.....

最後仲黎多一單..但係好難打出黎.....係同樣咁好笑.....但係可以講出黎ge就係,just微笑,其實我覺得真係好笑,但係點解唔會好似我阿媽咁係咁大笑呢......呢件事係相當神秘ga......

哎呀,我搵到我買b的下一個對象呀......我覺得自己會鍾意Fancy Pansy 多過kozy呀...
我諗會平好多同埋個樣會可愛d...因為我宜家最想要一個b是有齊陰的.....哎呀....要去問下價先~係一千銀上落ga...又要慢慢草了.....我宜家身家得6舊水咋...可憐到我呀......比人食左d銀呀....鳴鳴...唔制呀///////!!!!!!



#即管貶低我 諷刺我難成大器
家中餐枱 不想招呼三五知己
床頭位置 我永遠關守給你
就算卑微 我只想抱你

Labels:

Saturday, April 02, 2005

ching ming festival

清明時節陽光光

#面對你的hahaha同呵呵呵.....只覺得你愈來愈恐怖

早就話左有d唔好ge預感,原來男班長真係有女朋友,呢件事對我黎講唔係最surprise,最驚訝ge係佢女朋友喊住黎同我講叫我讓返他比她,暈了,we just are friend only,never been thought together with him......最搞笑ge係男班長響呢件事上冇好好咁對我解釋一野,我又算唔算比人呃左野呢?定係其實大家都唔覺唔覺咁收埋左個女朋友而唔opening呢?呢件事係非常鬼異....另外ge一件事係,loklok好似同emily分開左,話左ge啦"暴風雨ge前夕總係sunny非常"......



#要是你心可以容納我,就夠了。



今日終於冇落雨了,所以心情都好返好多....岩岩打打下個post唔知邊個pages搞到我斷左線,又要重打過,響我今日靚靚ge心情中劃過一條唔靚ge線.....一早落去搵位飲茶同寄左個99個笑出去,是的,希望佢係會收到我份心同埋唔好鄙視我咁笑,i hope so.....之後等左成粒鐘d女人先捨得落黎..所以我唯有打桌球黎spending time,好衰ga.打極都係我做輸家,奸到你呀計分ge......今日阿媽佢地去yellow gold beach,再落tst,唔去的,我要響屋企抖下同溫書...之後return home之前響"okay"竟然比我買到beer,慢慢嘆完就黎屋企,係咁心血來潮找返好耐之前做過ge一個一百條q....終於響email 比我搵返,於是再post返落2月27果度.....今日d野好順利,so good,如果比我可以順利溫埋書仲更更更good了!!

#第一次有人用"是旦"黎形容我呢一個人,ha...


尋晚頭痛到我死咁滯,冇人救我,我響6點幾果時相信已經不醒人士,我阿爸返黎果時叫我起身我先發現我自己倒斃左響床上面....之後又話係訓就x返張被啦...果一刻只係想繼續訓,個大頭相當重ga
尋日計計埋埋我沖左3次涼...我相信我尋日係最乾淨ge一day
尋晚洗白白後頭痛亦冇事了,就開始作個99個笑ge story,......首先要多謝菜精,因為係佢而啟發到成個story ge develop,功不可沒但我冇prize比到佢....ha.....之後都要多謝所有ge人比我ge idea,最後出到黎仍然係一個not reasonable ge野,不過本住我創作ge宗旨,我會堅持做得更好....
尋晚長今好好睇好感動....睇到我係咁起雞皮...
尋晚係我呢排最早一晚上床訓ga.....因為我覺得我d頭痛係因為夜訓早起所cause ge....




***關於99個笑的故事

話說從前有個神仙,佢塊面係由一百個笑容所組成嘅,有一日佢唔小心響天堂仆親…之後面上嘅一百個笑容都跌晒落凡間,於是佢就決心去搵返d笑容返黎……卒之佢落左凡間搵返第1至99個笑,但係第一百個搵極都搵唔到,於是終日o拿埋塊面…愁眉不展…

於是有一日,當佢想放棄之際返上天堂時候……響路上,比佢遇一個人盲嘅阿伯..個阿伯話比佢知其實最後一個笑就係響神仙自己度,只要你一笑,果個就係第一百個…於是神仙就聽呢位阿伯所講自己笑出第一百個笑喇…但係個神仙笑極都唔係路…點都笑唔出…

之後又比神仙遇上一個小朋友,小朋友話佢知笑係應該發自內心,勉強嘅笑並唔係真正的笑…神仙又明白,於是佢等待自己會笑出第一百個真心嘅笑…過左一段日子,神仙都係冇笑到出黎…佢又唔多開心,於是就自閉到一間和尚寺入面…

竟然響入面比佢遇到一個得道高僧,而僧人望左佢一眼,又聽左佢嘅故事,之後就發現唔係好妥,,原來僧人發現到一個關鍵,就係呢個神仙係冇一個屬於自己嘅咀巴,咁又點樣可以笑出黎呢,當神仙知道事實之後簡直係晴天霹靂,悲傷自己呢一世都唔會再搵得返第一百個笑。到最後,僧人用佢嘅高深道行用佢身上嘅百寶袋猜出一個好靚好靚嘅咀巴送比神仙,作為僧人完寂前嘅最後一件善事。

神仙知道左之後又感動又捨不得又唔開心,因為當僧人將個咀巴放到神仙面上嘅時候亦係佢完寂之時,所以呢一刻帶住傷心心情嘅神仙根本笑唔出。神仙帶住佢果個痛苦嘅心情返上天堂了… …

如是者又過左一個月,每當神仙照鏡見到僧人送比佢嘅咀巴,都令佢不禁想起僧人而流淚…而今日神仙響鏡中又如常咁見到個咀巴果時,佢發現鏡中仲出現僧人個樣,佢好驚訝點解會咁,於是佢一轉身之時僧人就出現響佢面前,原來僧人真係升仙做左神仙,響呢個時候神仙終於笑出黎,一個發自內心而美麗嘅笑容,呢一個笑容就是神仙找左好耐的第一百個笑容了。


呢個時候,請你慢慢咁e起崩牙,然後羅盤水照住,去好似神仙一樣,一齊去笑出第一百個笑啦

Labels:

painful

岩岩終於完完全全搞好左個diary網了....原來之前係留唔到comment ga,唔好意思的,都是怪我白痴了,宜家可以give comment了...呢個係多謝果個冇留名條友講"fuck off",拿我唔係想打粗口,只係佢真係留d咁ge野....我唔會嬲,仲好想問佢係點可以give到comment....因為我禁極都禁唔到入去個#ge site果度....好厲害下.~

岩岩個【殘酷一丁】我有笑ga,但我是真係覺得好笑而笑...而不是應承了男班長才笑,岩岩見到到個5星戰隊令我諗起5b果4個白痴...haha.....之後個男人(joey簡左果個)笑死我....不過我又唔係話笑得真係好大果隻,好笑就笑笑啦....我覺得最好笑係佢地兩個d開場白,"忠李心口","容c奇案","盧淑兒演唱會"後,仲笑我唔夠咁,黎多個"李祖忠演唱會"ha....當見到佢個sms,我都黎唔切應佢就開場,唔係我會問佢單女朋友的事,....haha....因為我睇得出佢女朋友好愛佢....ha.....不過我係好胃痛....一郁就痛之下,我決定快d訓覺咁就唔洗理個感覺......不過我真係好想同你一齊睇一次【殘酷一丁】......因為,同你一齊,睇咩都笑,又令我想起同你睇【咒冤】係咁笑....haha.....你比我ge開心係最多,而痛亦係最深ge.....

#我怎會傻到這樣求你.....

經過佢ge分析,我響你心目中應該係透明了,所以唔洗提第幾個問題
呵,我地個summary係,我有男班長同女班長,so good!
冇錯,今日係溫左小小野,背左多多野,原來一個鐘係可以溫咁多野

Labels:

Friday, April 01, 2005

New month

愚人節快樂+紀念哥哥死忌.....
又離ce日子不遠,死期的感覺。

#傷我或是害我都慘不過,教我記得一起幸福過

尋晚忍唔住睇電視,之後更加忍唔住口係咁吃野,都係一d unhealth food...好頂癮ga真係....最後吃到成table都係野...係由個鄭老抽果段時間吃到完左大長今,今鋪我真係暈...加上心情唔好仲開埋蝦片,死未....一路吃一路看電視一路上網一路sms,之後中段仲chat埋個電話.....實在癲起上黎可以去埋toilet...我就黎變肥婆.....呢個肥婆葉令我諗起一個人,話過如果我真係變左個大肥婆,冇人要的話,佢一定做應投果個,呢個人唔係劉志強,呢個人令我覺得係時候要打個電話搵返呢個舊都唔舊ge人,打過去洩憤都係好事........

#My tears are turning into time,i've wasted trying to find a reason for goodbye


1.全名:
葉大婷

2.花名(別名) : 傻葉,肥leaf
3.鞋號: 36,37都得
4.高度: 155.5
5.頭髮顏色:black
6.兄弟姊妹:獨生
7.喜歡洗澡時唱歌:is my hobby
8.喜歡唱歌:所以好鍾意去唱k
9.生日: 9 th september.88
10.星座:Virgo

11.愛用左手或右手:
12.愛鞋子或者是拖鞋:拖鞋
13.愛可口可樂或者百事可樂:可口可樂.
14.在一段愛情關係中想要什麼:坦誠,相愛,快樂
15.有沒有試過越軌:
16.有沒有結婚:no
17.現在在聽的歌:Knockin' on Heaven
18.喜愛的香水:唔濃ge我都鍾意
19.喜愛的電影:會令我笑ge會令我感動ge


20.喜愛的數字:17
21.喜歡的樸克牌遊戲:好多都鍾意
22.喜愛的電台:有好歌聽ge電台
23.喜愛的運動:volleyball&毛毛球
24.喜愛的地方:傻右ge身邊
25.喜愛的食物:我最鍾意吃
26.喜愛的電視節目:唔悶就鍾意
27.喜愛的卡通:可愛ge
28.喜歡的個性:幽默+溫柔+爽
29.喜愛的顏色:never yellow
30.計劃過生小孩:no!


31.想有幾個小孩:如果一生出黎係七胞胎咁可以點
32.急不及待要說的話:我地重新開始呀....
33.想過結婚:拍拖果時囉
34.想過未婚生子:奉子成婚!!
35.有一個男友或女友:
36.有沒有暗戀別人:
37.什麼傷你最深:個sms
38.喜歡音樂或電視:both
39.喜歡男生或女生:both


40.喜歡綠色或藍色:blue
41.喜歡粉紅或紫色:pink
42.喜歡夏天或冬天:summer
43.喜歡晚上或白天: night
44.喜歡逛街和到處留連:ya
45.喜歡好笑的東西:絕對係
46.你聽到這時會知道我在: ?
47.你去哪一間學校:frcss
48.享受自己平時做的事:睇下我做左d咩
49.最令你興奮的事:傻右


50.他們是誰:我的愛人
51.最笨的人:me
52.最友善的朋友 : 身邊好多都係
53.最好笑的朋友:全部
54.最高的朋友:高過我都叫高
55.一個朋友可以對你做出的最差的事:唔可以對我差
56.有了另一半之後還跟別人調情是對的嗎:never
57.最後一次因為什麼事而哭了出來:掛住佢
58.最不明白男生或女生之處:點解佢唔愛我!!!
59.現在最想做的事:同佢講我好掛住佢


60.你覺得人生中不能缺少的東西:銀兩
61.愛情或者短暫的激情:愛情
62.銀色或者金色:silver
63.鑽石或者珍珠:diamond
64.日出或者夕陽:both
65.有沒有去過SKINNY-DIPPING:唔知邊度
66.會跟熊熊或者其他的娃娃睡:最鍾意有人同我訓
67.身體有沒有穿洞:no
68.喜歡你身體那部位:
69.討厭全身嗎:冇錯

70.現在穿什麼顏色的內褲:grey
71.現在又在聽什麼歌: 【你現在】
72.家裡電話的最後4個數字:6228
73.渡蜜月會想去哪 : 環遊全世界
74.最想跟誰一輩子在一起:劉志強
75.第一樣對另一性別的人留意的東西: 佢ge說話
76.最能令你開心的事和物:傻右
77.下一次會買的CD:nana果隻
78.有沒有戴眼鏡或者是隱形眼鏡:both
79.別人給你最好的意見或提意:到宜家都仲未有


80.邊個成日同你講野:yin
81.比較喜歡笑片或是恐怖片: 笑片
82.比較喜歡見到真人或是在電話上溝通: 緊係真人啦
83.比較喜歡抱抱或是親親:抱抱!!!!!!
84.哪一首歌最像你:
85.如果你明天死既話, 你會把所有東西給誰:埋響地底
86.你有沒有敵人:
87.最後抱你的人:男班長
88.你會不會選擇做一個有錢和出名的人:唔會
89.口頭蟬:低b

90.無聊時會做什麼:sd sms比人
92.最喜歡的花:紫色玫瑰花
93.最喜歡的語言/方言:廣東話
94.遇上喜歡的人,你會主動追求嗎:除非真係好鍾意好愛而佢唔主動
95.你現在有幾多朋友:4個
96.現在最想見到誰:劉志強
97.最喜歡的國家:意大利
98.志願/夢想:廣告designer
99.最喜愛的卡通人物:mickey
100.你這裡現在幾點:12:18

尋晚陪阿包去買事後野,我頂...我唔明點解佢男朋友可以咁cheap,什麼叫做"煩"呀,真係未見過有個男仔係咁irresponsibility!!!!!我更加唔明點解阿包可以嬲佢都同佢咁樣繼續....呀呀!天呀.....一定係比d vw&pc"收買晒....第一間果個女人超好笑超串囉....洗唔洗響間野度大叫呢....係冇有病定自己好想吃又冇得吃...之後撞到阿庭啦仲..第二間係超好人....係好好人咁我問咩佢都ans我.....太好了.......90銀6野.....

之後響okay同見到有新qoo換的.....一定要換,超得意呀!!!之後又撞到果班人,唯有扮咩都見唔到啦......之後返到屋企我又開始神神地...唔知發咩神經......唉....救命呀......我好想死左去..唔洗諗落去.......


心情差到跌落天橋底,我覺得自己好變態,好想問句宜家呢個係咪原來個我啦?定係比你折磨完之後早就已經唔係我.....my god,我個banking system終於搞好掛....溫溫下又放棄了,周而復始咁捱....我唔鍾意咁...我唔要呢d!!!!我ge天空宇宙都為你而跌晒落地,星星都打橫仆晒響度,估唔到4月頭個心情已經差成咁....好攰...請你由我情緒化,等我可以面對下呢個不知所謂ge自己...岩岩post極都post唔到,係咁話咩錯誤...做咩連個日記都要咁對我...係咪唔對我差今日去唔到toilet姐~!!!
sarange!!!
臭mag果度又有新衫sell,去想去買,但成日一出到去都冇晒貨了,頂
哎呀....睇hk直播個2R個interview...好睇~
岩岩發現,原來勁歌金曲個主持笑果時好似小小ga.......
你的info在"hahaha"的時候,我好心up,希望那是真的笑才好笑....

#愛上一人,如此的甜蜜卻又讓人受傷害
 放棄一人,如此的難過卻又讓人心碎
 珍惜身旁的每一人,不要等到失去了 ,才瞭解到遺憾和後悔是如此的痛苦

Labels: