Why don't you give me a hug?

Thursday, April 07, 2005

experience




其實我自己好驚自己會剩係要呢度,唔要其他地方去post野了...因為響度我可以打廣東話,唔洗打書面語,看看我,又開始在我的文字上退步....呵呵....不過等我重整nonleaf的版面,等佢看起黎精神返,咁我又會重新愛上佢了....呵呵....

其實我係有野想講ga......但係又唔係話太記得...
冇錯啦,就係,我覺得我地總係會抱住一個有希望ge態度,唔想自己有遺憾,我當初就係羅住呢個想法去繼續繼續放自己ge愛落去,咁樣咪係蠢左囉,我竟然唔記得,做任何野ge回報如果唔係同付出成正比果時,應該重新調整再打呢場仗....所以我不斷在輸....輸輸輸同埋輸...我就係愛到唔見左自己...搞到自己係咁做錯...呵,不過唔緊要,我宜家已經去返起點,又黎過,冇錯,宜家呢個先係真真正正ge打不死的我。

響每一段關係入面,一定係會存在遺憾,如果冇遺憾係唔會令你成日諗起都覺得要黎過,但係如果響一段完左ge關係上再將個遺憾愈挖愈深,咁我地就愈錯愈多愈返唔到轉頭,到果時,死神黎接你ge日子又會好快黎到...

我地應該去習慣ge唔係比人呃比人傷害唔係痛楚,最basic ge係要習慣離開我地ge人會愈來愈多,所以為我地愛ge人亦會愈來愈少....但係因為傷害愈多,我地就更更更更更需要更更更多ge愛愛愛愛!!!!所以我地要珍惜果d仲未離開我地ge人,然後勇敢咁去愛愛愛!!!!!愛佢地更多,令自己身處在愛入面令自己感到愛ge時候自己都會幸福!!!!愛,唔係得愛情,我地有咁多愛,唔好太自私收埋剩係愛自己,你唔去愛,係唔會得到被愛ga!

仲有,有樣野我諗左好耐以為唔應該,但係我宜家覺得咁樣做又係相當reasonable同相當相當good!!!就係【逃避】,但逃避之前一定要去勇敢承認錯誤,因為連認都唔敢認ge根本冇資格去逃避!!!!!逃避最好ge方法就係唔好再嘗試!!!咁樣就可以減少出錯同埋糗野...而且逃避得靚d就係要扮睇唔到,再將睇到ge野立即del同埋如果真係做唔到快d打自己,打到自己痛果時就會剩係記得痛而唔記得左岩岩見到d咩....如果要再記得岩岩見到ge野,一定要再諗囉,所以唔好再諗啦!!!!!記得!!!!!就係因為我諗唔通呢樣野以為勇氣就係唔可以逃避,搞到自己傷完一野又中多次地雷....勇氣唔係亂用,因為勇氣係要草返黎,衝動ge唔係勇氣...要善用,don't waste!!!!!

最後一樣野ge就係support,勇敢好心情樂觀ge人應該去安撫受傷ge人....將好ge野分比人,唔好ge野同 share,咁樣到下一次角色exchange果時,你又會得到support,因為你對過人地好ge,人地一定會對返你好,當然,我阿媽成日叫我唔好咁易信人,但係我諗識左你好耐,而你又知佢唔係衰人ge話,信下冇壞掛....我對呢點係有保留,【信任】要小心.....

呵呵.....傻傻地ge我....已經講完我想講ge野....只係想share一d我ge看法....
比返個comment我好呀下~!!!

祝大家,開開心心,成日笑笑笑,用笑去溫暖呢個地方^^~

Labels:

3 Comments:

  • At 5:49 AM, Anonymous 阿座 said…

    哈哈哈......
    親愛既傻葉終於大過女了今次
    好好好...唔錯
    我都老懷安慰了
    呀.....走都走得安心好多.....
    wakkaka.....
    你呀你.....真係要好好識得林啦
    上一次你知唔知你嚇到我半死
    幾驚你唔知發生左咩事呀
    你呀你呀...唔好再咁啦下!
    如果唔係我唔擔保你個pet會健在ga!
    一於咁話啦....哈哈

     
  • At 5:49 AM, Anonymous 阿庭 said…

    哎呀....唔係阿座呀
    你阿庭!

     
  • At 6:00 AM, Blogger 傻葉Leaf said…

    岩岩我一入黎,見到有兩個comment,之後懷住既興奮又緊張又好奇ge心情睇下是誰give我ge,之後一見到...點解有個我唔識ge人,叫阿座ge人...之後又睇佢ge comment,又相當奇怪,因為係岩岩阿庭同我講ge野,之後又看下,下面又有個叫阿庭ge人...

    之後我岩岩蠢蠢地,以為有人冒認阿庭,再睇下,原來係我諗得太過複雜....haha!!!不過真係好搞笑.....haha....因為你又響第二個留言打錯字...haha....又令我係咁笑...ha...

    好,re返你先..
    haha....
    冇錯!我仍然會答你一句:好骨痺!!!

    but re埋其他ge就係個pat令我想起果個豬場個男人....唔得.....成個comment令我係咁笑....hha!!!

     

Post a Comment

<< Home